سو دوناندا دمییب یخدی بالا بوز دییب او

قار دییب برف دمییب،دست دمییب ال دییب او  

                                   منه هش واخ بیا سویله مییب گل دییب او 

یاخشی خاطرلایرام یازگونی آخشام چاغیلار

                             باخچانین گون چیخانیندا کی ایلیق گون یاییلار

او دئمزدی که بیا شانه زنم بر سر تو  

                                          گر نیایی بزنم شانه سر خواهر تو

گل دییردی دارییم باشیوی ای نازلی بالام

                                گلمه سن گر باجیوین آستاجا زلفون دارارام 

بلی داش یاغسادا گویدن سن اوسان منده بویام    

                                  وارسنین باشقا آنان واردی منیم باشقا آنام 

ئوزومه مخصوص اولان باشقا ائلیم واردی منیم

                             ائلیمه مخصوص اولان باشقا دلیم واردی منیم 

ایسته سن قارداش اولاخ بیر یاشیاخ بیرلیک ائده ک

                            ورسن قول قولا بوندان سورا بیر یولدا گئده ک

اولا اوزگه کولکلرله گرک آخمیاسان

                                      ثانیا وارلیقیما خلقیمه خور باخمیاسان